RSS

Monthly Archives: March 2012

دعا ـ لطيف سرڪار


دعا
(لطيف سرڪار)

مــــوٽــــــي مـــــانـــــــڊاڻ جـــــي ، واري ڪيائــــيـــــن وار،
وڄــــــــون وســــــــڻ آيــــــون ، چــــــوڏس ٿـــــي چـــــــوڌار،
ڪي اٿي ويئيون استنبول ڏي، ڪي مڻيون مغرب پار،
ڪـــي چــمـڪن چين تي، ڪي لهن سمر قندين سار،
ڪي رمي ويئيون روم تي، ڪي ڪابل، ڪي قـندار،
ڪـــــي دهــلـيءَ ، ڪـــي دکن ، ڪي گڙن مٿي گرنار،
ڪــــنــهــيــن جــنـبي جيسلمير تان، ڏنا بيڪانير بڪار،
ڪنهين ڀڄ ڀـــڄــائــيـو ، ڪــــنــهـيـن ڍٽ مـــٿـــي ڍار،
ڪـــنـــهــيــن اَچـــي اَمــرڪـــوٽ تـــان، وسايا ولهار،
سائينم ! ســـدائــيـــن ڪــريـــن مــٿــي ســنــڌ ســڪار،
دوست! مــٺــا دلــدار ! عــالــم ســڀ آبــاد ڪـــــريــــن.

 
Leave a comment

Posted by on March 31, 2012 in Poetry

 

اکيون به باندي رڳون به باندي – حـليـم بـاغـي


اکيون به باندي رڳون به باندي
(حـليـم بـاغـي)

اکيون به باندي رڳون به باندي، پرين ڪجي ڇا تنهنجو شهر آ
چپن جي رڦڻي هتي جرم آ ــ اکين جي کينچل هتي ڏمر آ

اها وکن ۾ ڍرائي ڇو ڇو؟، اڃان ته تنهنجي چري وهي آ،
رکين جي پيرا رتيون ٿي ڏونگر، پٿر به تنهنجي اڳيان پتر آ.

اهي ته طوفان وڌيا پيا وڌندا، هينئر ته مانجھي هنيان نه هاريو،
سڌن سان ساگر سڪا نه ڪڏهن، گھرڻ سان گھٽبي نه ڪا لهر آ.

لڦن جي لالي ڀري ترين ۾ ــ گسن جي مٽي ڌري اکين ۾
هلي هلي بس ٿڪجي پياسين ــ گھڻو ٻڌايو اڃان سفر آ

ڪلين مان اکتا هڏين ۾ پيٺا، هڏين مان نڪتل جگر تي بيٺا،
والله! غضب ٿو ڪرين وڍيندڙ! اڃان به چئين ٿو گٿي نظر آ.

ڪرين پيو سو ڀلين ڪندو رهه، پڇاڻا ڇا جا؟ وراڻا ڇا جا؟
گھڙي جي آئي پڄي به وٺبو، اڃان ته توکي وڏي ڳهر آ.

اسان جا هي وڍ اسان جو پورهيو، اسان ته تن من سنڌوءَ تان واريو،
اڏيون اجاريو آڙاهه ٻاريو، اسان جو نينهن ڀي اڃان نٺر آ.

اسان ته سَنڌ سَنڌ زخم سٺاسين ــ اسان لُٽياسين اسان ڪُٺاسين
طبيب ڪن ڇا؟ حڪيم ڪن ڇا؟ ــ اسان جي جندڙي سڄي زهر آ

تنهنجي اکين ۾ اداسي ڇا جي؟ اڙي او شاعر! اڙي او باغي!
اڃان ته ڪوڙين ڪليون به ٽڙنديون ــ سنڌوءَ جي مٽي نه ٿي ڪلر آ

 
Leave a comment

Posted by on March 31, 2012 in Poetry

 

اسان جي مُئاسين سفر ۾ او ساٿي ـ آڪاش انصاري


اسان جي مُئاسين سفر ۾ او ساٿي
(آڪاش انصاري)

اسان جي مُئاسين سفر ۾ او ساٿي!
ته ماڻيندا منزل پنهنجا ڍول ڍاٽي،

اسان جو جڏهن خـون خوشبو ٿي ايندو،
ته ويڙها وطن جا به واســـي ڇـــڏيـــنــدو،
جڏهن ٻارڙي ڪنهن ڪئي ٻولي ٻاتي،
تــــه مـــــــاڻــيـندا منزل پنهنجا ڍول ڍاتي،

اسانجون هي ٻانهـون، اسان جـــون نــــگـاهـــون،
ازل کان لـــــوچــــيــــن ٿـــيـــون اهــڙيون راهون،
انهيءَ ڪرٽ ۾ جي ڪُسي وياسين ڪاتي،
ته ماڻيــنـــدا مـــنـــزل پــنـــهـــنجـــا ڍول ڍاٽــــي،

جڏهن منهنجا جھانگي، نه جھوريءَ ۾ جھُرندا،
ٻَـــــري ۾ نـــــــه ٻــــڪــــرار جــــا ٻـــار ٻـــــرنــدا،
سُڪي سکڻي ٿيندي نه جيـجل جــي ڇــــاتـــي،
ته ماڻيندا مـنـــزل پـــنـــهــنـــجــا ڍول ڍاٽــــــــــي،

جڏهن وڏ ڦڙو ڪو ولهارن تي وسندو،
مٿان پارڪر جي پنورهارن تي وسندو،
نــــه رهنـدي ڪا مارئي، مارن لاءِ آتي،
تــــه مــاڻــيــنـدا منزل پنهنجا ڍول ڍاٽي.

 
Leave a comment

Posted by on March 31, 2012 in Poetry

 

ڪيئن رهان جلا وطن ـ آڪاش انصاري


ڪيئن رهان جلا وطن
(آڪاش انصاري)

ڀٽڪي پنهنجو دڳ وڃي، جئين ڪو پکيئڙو منجھ گگن،
نـــــه جــنـــهــن جـــو ڪـــوئــي آ هــيـرو ، نه آشيانو ۽ چمن،
مان بــه پــنـــهنـــجي ديــس ۾ ، آهــيــان اڪــيــلـــو اوپــرو ،
جــــــلاوطـــــن ، جــــــلاوطـــــن ، جــــلاوطــــن ، جـــلاوطــــن،
روز ٿــــــو زهــــــر پــيــــان ، مران جيان، جيان مران،
ڄڻ ڪلاچي ڪُـــن ۾ ، ٻڏان تـــران ، ٻڏان تران،
يا ديول جي ديپ جيئن، اُجھان ٻران ، اُجھـان ٻران،
ڄڻ صليب تي ٽنگيل، ڪو سرد مان هجان بدن،
جـــــلاوطن ، جـــلاوطن ، جــــلاوطن ، جـــلاوطن.
نه منهنجو ڄڻ هي ماڳ آ، نه منهنجو ڄڻ مڪان آ،
نه منهنجي ڄڻ هي نگري آ ، نـه مـنــهـنـجـو آســتان آ،
نـــه مـنـهـنجي ڄڻ هي ڌرتي آ ، نه منهـنـجو آسمان آ،
ڄڻ هجان تاريخ جي ، مـان لاش جو مـيــرو ڪــفــن،
جـــــلاوطن ، جــــــلاوطن ، جـــــلاوطن ، جـــــــلاوطن
جا مُرڪ مونکان وئي کسي، تنهن مُرڪ جو آهي قسم،
مــــان رت رُنــــس ظـالـمــو! تـنـهن لُـڙڪ جـو آهي قسم،
جــيــجــل جــي مــٺــڙي ٿڃ جي هر سُرڪ جو آهي قسم،
پلئـه ڪندس ، پـلئه ڪندس، اي وقت! تو سان آ وچن،
جــــــلاوطـــــن ، جـــــــلاوطـــــن ، جـــلاوطـــن ، جـلاوطــن…

 
Leave a comment

Posted by on March 31, 2012 in Poetry

 

آوازن کي جاڳايو. ـ استاد بخاري


آوازن کي جاڳايو.
(استاد بخاري)

ڪيئن به ڪري پر آوازن کي جاڳايو،
ماڻهن سان نه ته ڳلين سان ئي ڳالهايو.

خاموشيءَ جي مُهر لڳي ڇو محفل کي،
نغما، ناهن نوحا ئي پر ڳارايو.

صبر متان ٿي سڪتو پئي ۽ سڪتو موت،
ڪنهن به طريقي ساٿي تن کي تڙپايو!

تحريڪون نه ته تدبيرون، نه ته تجويزون،
ڪجهه ته بکارين تاريخين کي کارايو!

شعلا شعلا وَتي ٿو ورڇيندو،
اونداهه آ ”استاد بخاري“ آڻايو

 
Leave a comment

Posted by on March 31, 2012 in Poetry

 

اسين بس رهياسين اڌورا اڌورا ـ آڪاش انصاري


اسين بس رهياسين اڌورا اڌورا…
(آڪاش انصاري)

نڪي عشق آتش فشان ٿي اُڀاميو،
نه ئي ديپ دل مان اوهان جو اُجهاميو،
نه سورن جي شدت کان شعلو بڻياسين،
نه سگريٽ جو ڦلو ٿي ڇڻياسين،
دُکياسين، جلياسين، اڌورا اڌورا
اسين بس رهياسين اڌورا اڌورا

کلياسين ته خلقت جي دردن ٿي روڪيو،
رُناسين ته دنيا جي نظرن ٿي ٽوڪيو،
نه خوش ٿي کلياسين نه رنج ٿي رُناسين،
کلياسين رُناسين اڌورا اڌورا،
اسين بس رهياسين اڌورا اڌورا

نه تارڪ ٿي دنيا هي تياڳي سگهياسين
جهان جو به جنجهٽ نه جهاڳي سگهياسين
نه تون ملين، نه ڪنهن ٻئي جا ٿياسين
هتان کان به وياسين، هتان کان به وياسين
۽ دنيا جي ڌنڌي ڪرڻ کان به وياسين
۽ مرڻ جي مزي کان به محروم رهياسين
۽ جيئندا رهياسين اڌورا اڌورا
اسين بس رهياسين اڌورا اڌورا

عمر اڌ اڻ کٽ عبادت ۾ وئي،
۽ باقي بُتن کان بغاوت ۾ ويئي
خدا ڀي نه مليو نه ان جي خدائي
اي آڪاش جندڙي ائين وئي اجائي
۽ ڳولها جي رڻ ۾ رُلياسين اڌورا اڌورا
اسين بس رهياسين اڌورا اڌورا…

 
2 Comments

Posted by on March 31, 2012 in Poetry

 

Punjab’s Monopoly in Pakistan


پنجاب جي سڄي پاڪستان تي حڪومت، سنڌ ۽ بلوچستان موجوده حڪومت ۾ به نظر انداز، هر جڳھ پنجابي عملدار مقرر

موجوده جمهوري حڪومت به سنڌ ۽ بلوچستان مان محروميءَ جو احساس ختم ڪرڻ ۽ ٻنهي صوبن سان انصاف ڪرڻ بدران ناانصافين جا اڳيان رڪارڊ به ٽوڙي چڏيا آهن. اهڙن قدمن سان ٻنهي صوبن ۾ وفاق مان ڪنهن به اميد جا امڪان ختم ٿي ويا آهن. بلوچستان ته پنهنجي آزاديءِ جي جدوجهد شروع ڪري ڇڏي آهي. سنڌ ۾ به گهڻا ماڻهو ساڳي راه اختيار ڪرڻ جي حق ۾ ٿيندا پيا وڃن
تازين ناانصافين جي هڪ مثال طور، جنگ اخبار جي هڪ رپورٽ موجب
حڪومت 49 وفاقي سيڪريٽرين مان 43 پنجاب مان مقرر ڪيا آهن
چئني صوبن جا چيف سيڪريٽري پنجاب مان مقرر ڪيا ويا آهن
گلگت بلتستان جو چيف سيڪريٽري ۽ اسلام آباد جو چيف ڪمشنر به پنجاب مان مقرر ڪيو ويو آهي
حڪومت مختلف کاتن جا سربراه ۽ اعلي عملدار به پنجاب مان مقرر ڪري رهي آهي
اسلام آباد ڪيپيٽل ٽيريٽري ۽ ڪيپيٽل ڊولپمينٽ اٿارٽيءَ ۾ به اعلي عملدار پنجاب مان مقرر ڪيا ويا آهن
اهڙي طرح، انويسٽيگيشن بيورو، فيڊرل انويسٽيگيشن ايجنسي، نيشنل پولس فائونڊيشن، نيشنل هاءِ ويز اٿارٽي، موٽرويز، نادرا ۽ ڪيترن ئي ٻين ادارن ۾ به عملدار پنجاب مان مقرر ڪيا ويا آهن
فيڊرل پبلڪ سروس ڪميشن جا ست ڊئريڪٽر به پنجاب مان آهن
انکان علاوه، جسقم جي اڳواڻ بشير قريشيءَ 23 مارچ تي ڪراچيءَ ۾ هڪ وڏي جلسي ۾ چيو هو ته سنڌ ملڪ ۾ 69 سيڪڙو گيس ۽ 75 سيڪڙو تيل جي پيداوار ڏئي ٿي جڏهن ته آئل ۽ گيس ڊولپمينٽ ڪارپوريشن لميٽيد جي 13 ڊئريڪٽرن مان هڪ به سنڌي ناهي جڏهن ته 12 جنرل مينيجرن مان به هڪ به سنڌي ناهي
اهو آهي پاڪستان ۾ سنڌ ۽ بلوچستان سان انصاف! وري چون ٿا ته سنڌ ۽ بلوچستان ۾ محروميءَ جو احساس چو آهي ۽ اتي ماڻهو پاڪستان کان نفرت ڇو ٿا ڪن؟ ڇا هو واقعي اهڙا اڻڄاڻ آهن؟

 
Leave a comment

Posted by on March 27, 2012 in Articals